Film
21:03
ബൂണ്‍സ് എന്‍റര്‍ടെയ്ന്‍മെന്‍റിന്‍റെ പുതിയ ചിത്രം 'ഇരുളില്‍ പെരുമഴയത്ത്' ചിത്രീകരണം ആരംഭിച്ചു; ടീസര്‍ നവംബര്‍ 15-ന്
ചലച്ചിത്ര ആസ്വാദകര്‍ ആകാംക്ഷയോടെ കാത്തിരിക്കുന്ന പുതിയ ക്രൈംത്രില്ലര്‍ ചിത്രത്തിന് തിരികൊളുത്തി ബൂണ്‍സ് എന്‍റര്‍ടെയ്നന്‍മെന്‍റ്. വിനോദ് നാരായണന്‍ രചനയും സംവിധാനവും നിര്‍വഹിക്കുന്ന 'ഇരുളില്‍ പെരുമഴയത്ത്' എന്ന പുതിയ ചിത്രത്തിന്റെ ഔദ്യോഗിക ചിത്രീകരണം ആരംഭിച്ചു. മികച്ചൊരു ദൃശ്യാനുഭവവും ഒപ്പം കിടിലന്‍ സസ്പെന്‍സും സമ്മാനിക്കുന്ന കംപ്ലീറ്റ് ക്രൈംത്രില്ലര്‍ ജോണറിലാണ് ചിത്രം ഒരുങ്ങുന്നത്.
തുടക്കം മുതല്‍ ഒടുക്കം വരെ ആകാംഷ നിലനിര്‍ത്തുന്ന തിരക്കഥയാണ് ചിത്രത്തിന്റെ പ്രധാന ഹൈലൈറ്റ്. സിനിമയുടെ അന്തരീക്ഷത്തിന് ഇണങ്ങുന്ന വിധം ആകെ രണ്ട് ഗാനങ്ങളാണ് ചിത്രത്തിലുള്ളത്. സിനിമയുടെ റിലീസിന് മുന്നോടിയായി ഈ ഗാനങ്ങളുടെ റിലീസ് പ്രത്യേകമായി സംഘടിപ്പിക്കുമെന്നും അണിയറപ്രവര്‍ത്തകര്‍ അറിയിച്ചിട്ടുണ്ട്.
ചിത്രത്തിന്റെ ആദ്യ സൂചനയായി ആരാധകര്‍ കാത്തിരുന്ന ഔദ്യോഗിക ടീസര്‍ വരുന്ന നവംബര്‍ 15-ന് പ്രേക്ഷകര്‍ക്ക് മുന്നിലെത്തും. ചിത്രത്തിന്റെ കൂടുതല്‍ വിശേഷങ്ങളും പോസ്റ്ററുകളും വരും ദിവസങ്ങളില്‍ പുറത്തുവിടും.
